Triangle(-verdau)
Bolboschoenus glaucus
Cyperaceae
Àutri noum : Liandro, Triangle.
Noms en français : Scirpe glauque, Souchet glauque.
Descripcioun :Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano. Subretout vèn pas dins li relarg mounte i'a de sau au contro dóu marin. Lis espigo soun pamens mai longo eici. Èi pu tihous de faire la diferènci emé Bolboschoenus laticarpus ; pèr acò fau regarda la formo de la grano e l'espessour de l'"exocarpus" (pu pichoto eici). Coumpara emé lou triangle-di-làrgi-fru que ié sèmblo proun.
Usanço :Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.
Port : Grando erbo
Taio : 1 à 2 m
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Bolboschoenus
Famiho : Cyperaceae
Ordre : Poales
Coulour de la flour :
Brunello
Petalo : ges
Ø (o loungour) enflourejado : 1 à 4 cm
Flourido : Printèms
- Estiéu
Sòu : Ca
Autour basso e auto : 0 à 900 m
Aparado : Noun
Mai à setèmbre
Liò : Ribiero
- Roubino
- Canau
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Bolboschoenus glaucus (Lam.) S.G.Sm., 1995
(= Scirpus glaucus Lam., 1791 )
Ipno-molo
Ctenidium molluscum
Hylocomiaceae
Nom en français : Hypne molle.
Descripcioun :Aquelo mousso pluroucarpo pulèu forto trachis souvènt en masso sus li roco cauquiero à l'oumbro. Es proche dóu gènre Hypnum e se recounèis pulèu facilamen bonodi si ramo daurado e molasso. Li fueio soun en daio emé de gròssis alo. Fai raramen d'espouroufite qu'es diouïco.
Usanço :Se destrìo de C. procerrimum, raro, que si fuio soun d'un cop en pouncho (pèr C. procerrimum se fai mai plan-planet).
Port : Pluroucarpo
Taio : 5 à 10 cm
Fueio : 1 à 3 mm
Tipe bioulougico :
Cicle bioulougico : Planto renadivo
Gènre : Ctenidium
Famiho : Hylocomiaceae
Ordre : Hypnales
Coulour de la flour :
Petalo : 1 à 2,5 cm
Ø (o loungour) flour : Dènt bourdado
Flourido : Printèms
- Estiéu
Sòu : Ca
Autour basso e auto : 50 à 2100 m
Aparado : Noun
Mars à juliet
Liò : Roco
- Sòu peirous
Estànci : Mesoumediterran à Subaupen
Couroulougi : Oulartico
Ref. sc. : Ctenidium molluscum (Hedw.) Mitt., 1869
